© Sverre Lillegraven

 

Barakke med Voss Bokhandel i 1940-åra:

Fotografiet er utlånt av Reidar Ringheim
Har du merknad, eller informasjon om biletet; ver venleg ta kontakt på fotogran@online.no
For å få ting til å fungera att, vart det mange naudløysningar på Vangen etter bombinga i april 1940. Dei fleste som dreiv med handel eller andre verksemder, fekk sett seg opp midlertidige bygg og barakker. Ikkje berre var det mangel på byggevarer, men det vart også tidleg klart at det var aktuelt med eit heilt nytt gatemønster. Det var difor naudsynt å venta med meir permanente bygningar. Med den nye planen kom det mellom anna to gjennomgåande gatelaup, i staden for det eine tidlegare, Vossagata. Dette førte til at ein del huseigarar fekk ny tomt på heilt andre stader på Vangen enn der dei tidlegare hadde halde til. Døme på dette er Rokne jernvarehandel og kjøpmann Johs. Vangen. Nokon som ikkje måtte flytta serleg langt var Voss bokhandel. Men i fylgje Reidar Ringheim stod barakka på biletet meir der som butikken til Rokne er no. På bilete ser ein  til venstre Sigvor Ullestad, til høgre Henny Ganderud.