© Sverre Lillegraven

 

Flage bru:

Dette biletet har eg fått frå Reidar Ringheim
Då eg spurde Reidar om han viste kvar biletet var teke, fekk eg tilsendt fylgjande opplysningar:
"Banevaktaren er her på inspeksjon frå Bulken mot Seimsgrend, som er fyrste stoppen. Me ser Vosso og Flagabrua. Denne linja var nokså lei på vintersdag, med mykje is i berget og svingen på linja var nokså skarp ved brua. For vel 50 år sidan laga dei ny tunell mellom stasjonen og brua, tunellen går i stor båge inn i fjellet og kjem beint ut på brua slik at dei kan bruka meir fart. Det er ein liten kurositet med den gamle linja mellom Seimsgrend og Bulken. Dei hadde ikkje veg til Seimsgrend, dei bruka båt over vatnet, eller gå langs jernbanlinja, men skulle dei gå linja måtte dei løysa Gangbillett. Frå boka "Vossamålet i ord og vendingar" av Eirik Røte kan ein lesa: "Gangbillett, billett som gav folk rett til å gå langs jernbanelina der det ikkje var togstogg og heller ikkje veg.  Det galt m.a. oppsitjarane på Seim i Vestbygdi til dess dei fekk togstogg kring 1936. Billett som galt 1 år kosta kr. 5".  Og så litt om den fyrste smalspora brua over Vosso, det vart gjenbruk og den vart flytta til Bolstad, der ho fortsatt er i bruk frå stasjonen og over elva, også for bilar!"
Takk til Reidar Ringheim for biletet og informasjonen.